Izurdeen aurreko bizitza
2021Euskal kondaira zahar baten arabera, izurdeak, garai batean, pertsonak izan ziren. Izurde bilakatu ziren laminen maitale izatearren. Eta behin gorputzez aldatuta, ezin berriz lehengora itzuli. Migranteari ere gertatzen zaio halakorik herrialdez aldatzen denean. Mudatzen zaio bizitza eta ezinbestean baita atzean utzitakoarekiko lotura ere.
Uri, Nora eta bien seme-alabak New Yorkera lekualdatuko dira liburu honetan. Rosika Schwimmer sufragista eta bakezalearen bizitzan oinarritutako nobela bat idatzi nahian ari da Uri: nola hazi zen zaldi eta kontzertu artean, nola lotu zen emakumeen askapen mugimendura, nola antolatu zuen Gerra Handiari aurre egin nahi zion bake-ontzia. Haren urratsak ikertu bitartean, ordea, bereak ere aterako zaizkio bidera, haurtzaroko bizipenak, faro bat arrosaz margotu zutenekoa, izebarekin konpartitutakoak. Familia ezari-ezarian hirian etxe egiten doan bitartean.
Espainiako Kritika Saria
Edizioak
Aipamenak
Badaude eskutitzak, oroitzapenak, egunkarietako artikuluak, elkarrizketak, haurtzaroko ametsak, euskal mitoak, poemak eta abestiak, idazleak bere obran txertatzen dituen era guztietako testu-formak, bere jarioa eragotzi gabe. Aitzitik, "Izurdeen aurreko bizitza. " hain erraz eta poetikoki irakurtzen da, non eleberri honetan sortzen diren hondamendi guztiak gorabehera, Uriberen baikortasun suntsiezinak distira egiten baitu beti.