Bilbao – New York – Bilbao
2008Argi nuen zeri buruz idatzi eta nola ez idatzi. Zerbait desberdina egin nahi nuen, ohiko arau narratiboetatik aldentzen zena. Geratu egin nahi nuen eta pentsatu. Zer da literatura? Zerk desberdintzen du, esate baterako, zinetik? Nola aldatu da gizartea azken urte hauetan? Eta galdera horiei erantzunez idatzi nobela. Behatu gizarteari, gogoeta egin eta sortu. Orduantxe hasi ginen nabaritzen teknologia berrien eragina ere. Mugikorreko mezuak, mezu elektronikoak, Facebook sortu berria zegoen. Nire galdera zen nola aldatuko zuen horrek gizartea, eta ondorioz, literatura. Gogoeta horietatik sortu zen liburua, horien arrastoa da. Liburuak ez du egitura lineal bat, hasi eta buka. Horren ordez, sare baten itxura du, interneteko sarearena eta arrantzaleen sarearena. Irakurleak bere aldetik jarri behar du liburuan barneratuko bada (…) Egun, hamabi urte beranduago, eta atzera begiratua eginda, esango nuke Bilbao-New York-Bilbao askatasun ariketa bat izan zela, gauza guztien gainetik.
Kirmen Uribe, 2020
Espainiako narratiba Saria
Espainiako Kritika Saria (euskarazko narratiba)
Edizioak
Aipamenak
“Badaude guztiz bestelako liburuak ere. Adi-adi irakurtzen dituzu eta, hala ere, batzuetan sentitzen duzu galduta zaudela. Leku berri batera ailegatzen zarenean bezala, begiak zabaltzen dituzu ñabardurak ez galtzeko. Sentitzen duzu bidaiaria zarela, baina oraingoan bidea ez duzu ezagutzen. Irakurtzen ari zarena ez da liburu arrunta. Nobela itxura dauka baina besterik ez. Itxurak ez dira batere fidagarriak. Aurrera egiten duzu, poliki-poliki, eta konturatzen zara mundu berri batean sartzen ari zarela. Ixten duzu liburua, gauero, eta begiak itxi bezain pronto, gogoan hartzen duzu beste leku batean egon zarela. Mundu ezberdin batean. Mundu literario batean. Eta hara itzuli nahi duzu. (…) Hortxe dago liburu bat aparteko lan bihurtzen duen gakoa, ene ustez.”
“Kirmen Uribe idazle trebea da. Trebea, testuak idazteko erraztasuna duelako, baina, baita ere, emozioak eta sentimenduak sortzeko klabeak oso ondo kontrolatzen dakielako.”
“Nobela zoragarria, irakurleak besarkada bat bezala hartzen duena”.
“Ederra. Folk soinurik gabe tradizioari arreta ematearen ezaugarri arraroa du, eta modernoa izatea lehen zirenak baztertu gabe.”
"Bilbao-New York-Bilbao liburuak kanon aldaketa bat ekarri du euskal literaturara".
“Uribek idazle askorentzat ziur asko asmo bat dena gauzatzea lortu du: familia, amodioak eta literatura uztartzen dituen liburua, ahozko kulturan sakon ainguratuta baina baita liburugintzan ere”.
"Eleberria lurralde guztiz moderno batean kokatzen da, Emmanuel Carrere, WG Sebald, Orhan Pamuk eta JM Coetzee bezalako gure garaiko idazle nagusien lekuan".
"Liburu hau oroitzapena bezain ederra da”.
"Uriberen literatur proposamena guztiz freskoa eta berritzailea da. Gure garaiko eleberria. “Herrialde txiki” batetik datorren idazle honek literatura unibertsalaren eremuan zehar hasten du bere ibilbidea, komunikazio transnazionalen bila".