Kirmen Uribe Ondarroan jaio zen arrantzale familia batean. Gasteizen ikasi zuen Euskal Filologia eta Literatura Gonbaratuzko graduondokoa burutu zuen gero Gasteizen bertan eta Trenton. Bi poema-liburu ditu: Bitartean heldu eskutik (2001, Susa, Kritika Saria) eta 17 Segundo (Susa, 2019). Eta hiru eleberri: Bilbao-New York-Bilbao (Elkar 2008, Espainiako Narratiba Saria eta Kritika Saria), Mussche (Susa, 2012) eta Elkarrekin esnatzeko ordua (Susa, 2016, 111 Akademia Saria eta Kritika Saria).  Hainbat hizkuntzatara itzulia, bere liburuak kalitatezko argitaletxeek atera dituzte munduan zehar, hala nola Gallimard (Frantzia), Hakusuisha (Japonia)  edo Coffee House Press etxeek (Estatu Batuak). Bere lanak The New Yorker edo The Paris Review bezalako aldizkarietan agertu dira. 2017an Iowako Nazioarteko Idazleen Programarako (IWP) hautatu zuten, eta 2018an New Yorkeko Liburutegi Publikoak idazketa beka eman zion. Geroztik, New Yorken bizi da. Handik, astero idazten du podcasta Berria egunkarirako.